Back National Archives Building, Jakarta English Gedung Arsip Nasional ID Huis Reinier de Klerk Dutch தேசிய ஆவணக்காப்பகக் கட்டிடம், ஜகார்த்தா Tamil
Gedhung Arsip Nasional ya iku sawijining yasan kuna kang ana ing Jakarta kang mapan ana ing dalan Gajah Mada.[1][2] Gedhung iki jaman dhisike bekas kediaman gubernur jenderal VOC Reinier de Klerk lan dibangun nalika abad ka-18.[2] Wangunan iki dibangun nalika taun 1760 déning Reiner de Klerk (1710-1750), saliyané dadi arsitek saka gedhong iki Reiner de Klerk uga kacathet dadi gubernur jendral VOC nalika taun 1777.[2] Lemah pekarangane kang amba, ya iku amba 57 M lan dawane 164 M, nanging pekarangane luwih amba manèh nganti tekan kali Krukut.[2] Omah saka de Klerk ana ing jaman ndisik sok ganti kang duwé, lan nalika abad ka-19 omah iku dadi panti asuhan.[2] Nalika dadi panti asuhan, yasan iki ora kopen amarga kurange dana kanggo ngrumat.[2] Perkara iku nyebabake ana rencana kanggo mbongkar yasan iki.[2] Perkumpulan Batavia kanggo Seni lan Ilmu Pengetahuan banjur nglobi pamaréntah Hindia-Walanda kanggo nuku yasan kang dadi omahé De Klerk.[2] Pamaréntah sukses lan banjur ndadèkaké yasan iki dadi Departemen Pertambangan.[2] Nalika taun 1925 pamaréntah Hindia-Walanda nglakokaké pemugaran gedhé kanggo pisanan ing abad ka-20 lan sawisé rampung gedhong iki minangka panggon nyimpen arsip nganti tekan taun 1992 nalika arsip terakhir dipindahake menyang gedung-gedung anyar Arsip Nasional ana ing dalan Ampera.[2]